चौतारा
भर्खरै सम्पन्न प्रतिनिधि सभा सदस्य निर्वाचन २०८२ दुई वटा क्षेत्र भएको सिन्धुपाल्चोक जिल्लाको अन्तिम मतपरिणाम सार्वजनिक भएको छ। मतपरिणाम अनुसार क्षेत्र नं.१ बाट राष्ट्रिय स्वतन्त्र पार्टीका उम्मेदवार भरत प्रसाद पराजुली र क्षेत्र नं.२ बाट नेपाली कम्युनिष्ट पार्टीका उम्मेदवार युवराज दुलाल(शरद) निर्वाचित भएका छन।
२०६४,२०७० र २०७४ गरि ३ पटक अग्नि प्रसाद सापकोटा र २०७९ निर्वाचनमा माधव प्रसाद सापकोटा निर्वाचित कम्युनिष्टको किल्लाका रुपमा परिचित क्षेत्र नं.१ बाट यसपटक पराजुलीलाई चुनाव चिन्ह घण्टीमा २४४१२ मत प्राप्त भएर निर्वाचित हुँदा माधव प्रसाद सापकोटा(सुबोध)ले पाँचकुने तारा चुनाव चिन्हमा १७३२७ प्राप्त गरेका छन।७०८५ को फराकिलो मतन्तारमा ६४ सालपछिको सापकोटा परिवारको विरासत र कम्युनिष्टको किल्ला पराजुलीले एकैपटक तोडेका छन।तथापि क्षेत्र नं.२ मा भने बागमती प्रदेश सभा सदस्यबाट राजीनामा दिएर चुनावी मैदानमा होमिएका तत्कालीन जनयुद्धका सुप्रीमो प्रचण्डको अंगरक्षकका रुपमा परिचित दुलालले पाँच कुने ताराबाट २१६९९ मत लिएर कम्युनिष्टको किल्ला जोगाउदै निर्वाचित हुदा निकटतम प्रतिद्वन्दी नेपाली काँग्रेसका बंशलाल तामाङले रुख चिन्हमा १९१४६ मत प्राप्त गरे भने मतन्तार २५५३ रह्यो।
क्षेत्र नं.१ अन्य उम्मेदवारहरुमा नेकपा एमालेका सरेश नेपालले सुर्य चुनाव चिन्हमा ११९६१ मतका साथ तेस्रो र नेपाली काँग्रेसबाट जंग बहादुर लामाले रुख चिन्हमा ११२९२ मत लिएर चौथो,उज्यालो नेपाल पार्टीका चुनाव चिन्ह बलिरहेको चिममा प्रताप लामाले २४२१ मत प्राप्त गरी पाँचौ स्थान ओगटेको छ।क्षेत्र नं.२ अन्य उम्मेदवारहरुमा नेकपा एमालेका शेर बहादुर तामाङले सुर्य चुनाव चिन्हमा १५९२६ मतका साथ तेस्रो, राष्ट्रिय स्वतन्त्र पार्टीबाट झलक बहादुर श्रेष्ठले घण्टी चिन्हमा १४०१९ मत लिएर चौथो राष्ट्रिय प्रजातन्त्र पार्टीको हलो चिन्हमा १६८१ मतका साथ पाचौं र उज्यालो नेपाल पार्टीका चुनाव चिन्ह बलिरहेको चिममा प्रताप लामाले १२३८ मत प्राप्त गरी छैठो स्थान ओगटेको छन।
तपाईको प्रतिक्रिया